El Provincetown, Massachusetts

Sylvan Zaft

Je ĉiu tago en la vid-sezon'
la ŝip' pleniĝas de turist-okuloj
kaj dum du horoj iras al la lok'
kie insuloj naĝas, plonĝas, ludas.

Ni homamasas jen je unu flank'
jen je l' alia. La eguloj diktas
"Tie staru homoj!" Fakul' klarigas
ke balenoj ŝatas ludi per la ŝip'.

Ni pagis por la sperto nur per mon'.
Kruron ni ne fordonos. Ni penas gaje
kunsentante kun la estaĵegoj
kiujn Ahab serĉis por profit'.

Valoregajn ostojn aliaj celas.
La ĝojo de la monstroj estas nia!